Ayiti, Mèkredi 18 Sektanm 2018
Se ak yon santiman revòlt ak endiyasyon Kolektif Jistis Min (KJM) ap tande Jean Henry CEANT ki di Pwojè-Lwa Minyè a jwenn konsansis tout sektè nan peyi a nan okazyon prezantasyon politik jeneral li devan Palman an pou jwenn ratifikasyon gouvènman l lan. Kolektif la ap denonse ak tout fòs li gwosè deklarasyon chaje ak mansonj premye minis la fè devan Chanm Depite ak Sena a sou Pwojè Law-minye medsin chwal Bank Mondyal ak Gouvènman ayisyen an vle foure nan gòj pèp ayisyen an lè li di tout moun deja dakò Pwojè-Lwa minye a.